சென்னை எம்ஜிஆர் சென்ட்ரல் ஸ்டேஷனில் நெரிசலை குறைக்க, 4 ரயில்கள் அங்கிருந்து விலக்கப்படுகின்றன. புவனேஸ்வர் எக்ஸ்பிரஸ், சந்த்ரகச்சி (கோல்கத்தா) எக்ஸ்பிரஸ் இரண்ட ும் இனி தாம்பரத்தில் இருந்து புறப்படும். திரும்பும்போது நேராக அங்கு வரும். பெங்களூரில் இருந்து தானாப்பூர் (பட்னா) செல்லும் ரயில் இனி சென்ட்ரலுக்கு வராமல் பெரம்பூரில் இருந்து வடக்கே திரும்பி விடும். சண்டிகர் டு மதுரை ரயிலும் அதே போல சென்ட்ரலை தவிர்த்து பெரம்பூரில் திசை மாறும். சென்ட்ரல், எக்மோருக்கு அடுத்து தாம்பரத்தை முக்கிய டெர்மினலாக ரயில்வே மாற்றுகிறது. பேசின்பிரிட்ஜ் பாலம் இடிக்கப்பட்டதை சாதகமாக்கி சென்ட்ரல் செல்லும் வளைவு தண்டவாளங்களை நேர்படுத்தி, கூடுதல் ட்ராக் அமைக்கவும் முயற்சி நடக்கிறது. மூர் மார்க்கெட் ஸ்டேஷன் ட்ராக்குகளுக்கும் சென்ட்ரல் ட்ராக்குகளுக்கும் நடுவில் வீணாக கிடக்கும் நிலம் இதற்கு பயன்படும்.
Source: Dinamalar